Алесь Бяляцкі
“Іртутнае срэбра жыцця”
Мінск
Пра кнігу:
Беларускі праваабаронца, віцэ-прэзідэнт Міжнароднай федэрацыі за правы чалавека (FIDH) Алесь Бяляцкі, асуджаны па палітычных матывах на чатыры з паловай гады калоніі ўзмоцненага рэжыму, у сваіх лістах на волю згадвае апошнія падзеі, якія папярэднічалі арышту, найбольш важныя і цікавыя моманты з замежных паездак. Першыя лісты для гэтай кнігі напісаныя ў верасні 2012 года, апошнія — у чэрвені 2013, але змешчаны яны па храналогіі падзеяў, а не па датах напісання, з захаваннем на пісьме традыцыйнай для беларусаў мяккасці маўлення.
Асобна пададзеныя лісты “Сустрэчы салідарнасці”, падрыхтаваныя да публікацыі іх адрасаткай Ірынай Пракопчык.
Асобна пададзеныя лісты “Сустрэчы салідарнасці”, падрыхтаваныя да публікацыі іх адрасаткай Ірынай Пракопчык.
Пра аўтара:
Алесь Бяляцкі — грамадскі дзеяч, праваабаронца, літаратар. Нарадзіўся ў 1962 годзе. У 1986 быў адным са стваральнікаў Таварыства маладых літаратараў «Тутэйшыя», потым — старшынём гэтай арганізацыі. З 1989 па 1998 гады — дырэктар Літаратурнага музея Максіма Багдановіча. З 1997 кіруе праваабарончым цэнтрам «Вясна».
У сакавіку 2006 года Вацлаў Гавэл уручыў Алесю Бяляцкаму прэмію Homo Homini за праваабарончую дзейнасць. У тым жа годзе Алесь Бяляцкі быў вылучаны на Нобелеўскую прэмію міру. У 2007 быў абраны віцэ-прэзідэнтам Міжнароднай федэрацыі правоў чалавека.
Аўтар кніг «Літаратура і нацыя» (1991), «Прабежкі па беразе Жэнеўскага возера» (2006), «Асвечаныя беларушчынай» (2013), «Іртутнае срэбра жыцця» (2014), «Халоднае крыло радзімы» (2014). Лаўрэат прэміі Беларускага ПЭН-цэнтра імя Алеся Адамовіча (2013).
Цалкам кнігу “Іртутнае срэбра жыцця” можна спампаваць тут.
