Алесь Бяляцкі
“Халоднае крыло Радзімы”
Вільня
Пра кнігу:
Кніга Алеся Бяляцкага «Халоднае крыло Радзімы» — своеасаблівы працяг кніг «Асвечаныя беларушчынай» ды «Іртутнае срэбра жыцця», выданняў, якія былі падрыхтаваныя падчас зняволення аўтара.
Пра аўтара:
Алесь Бяляцкі — грамадскі дзеяч, праваабаронца, літаратар. Нарадзіўся ў 1962 годзе. У 1986 быў адным са стваральнікаў Таварыства маладых літаратараў «Тутэйшыя», потым — старшынём гэтай арганізацыі. З 1989 па 1998 гады — дырэктар Літаратурнага музея Максіма Багдановіча. З 1997 кіруе праваабарончым цэнтрам «Вясна».
У сакавіку 2006 года Вацлаў Гавэл уручыў Алесю Бяляцкаму прэмію Homo Homini за праваабарончую дзейнасць. У тым жа годзе Алесь Бяляцкі быў вылучаны на Нобелеўскую прэмію міру. У 2007 быў абраны віцэ-прэзідэнтам Міжнароднай федэрацыі правоў чалавека.
Аўтар кніг «Літаратура і нацыя» (1991), «Прабежкі па беразе Жэнеўскага возера» (2006), «Асвечаныя беларушчынай» (2013), «Іртутнае срэбра жыцця» (2014), «Халоднае крыло радзімы» (2014). Лаўрэат прэміі Беларускага ПЭН-цэнтра імя Алеся Адамовіча (2013).
